Бевофо қиз энди менга бегонасиз

Менинг дилим сизсизликка кўниб бўлган,
Сиз ҳали ҳам ўзингизча ягонасиз.
Сизга бўлган муҳаббатим сўниб бўлган,
Бевофо қиз энди менга бегонасиз.

Кетгандингиз юрагимни тилиб-тилиб,
Гапингизни айтинг энди билиб-билиб,
Аччик сўзлар айтманг менга зарда қилиб,
Бевофо қиз энди менга бегонасиз.

Жаҳонгирни жондан ортик суйгани бор,
Йиллар аро ишкида зор куйгани бор,
Қайтиб яна юрагимга берманг озор,
Бевофо қиз энди менга бегонасиз.

Агёримни кўнглини шод этинг энди,
Ўшал билан баҳтингизга етинг энди,
Эҳ, баҳтимга зомин бўлманг кетинг энди,
Бевофо қиз энди менга бегонасиз.