РЎЗАДОРЛАРГА ХУШҲАБАР!

РЎЗАДОРЛАРГА ХУШҲАБАР!

• Жобир ибн Абдуллох розияллоху анхудан ривоят қилинади.
«Расулуллох соллаллоху алайхи васаллам шундай дедилар:
«Рамазон ойида менинг умматимга мендан аввалги пайғамбарларга берилмаган беш нарса берилди:

Биринчиси: Рамазон ойининг аввалги кечаси Аллох уларга (рахмат) назари билан боқади, кимга Аллох рахмат назари билан боқса, уни хеч хам азобламайди.

Иккинчиси: Уларнинг оғзидаги хид Аллох хузурида мискнинг хидидан хам ҳушбўйроқ бўлади.

Учинчиси: Фаришталар уларнинг хақларига туну кун истиғфор айтадилар.

Тўртинчиси: Аллох азза ва жалла жаннатига: «Бандаларим учун тайёрлангин ва безангин. Улардан тезда дунё қийинчиликлари, ташвишлари кетиб, Менинг жаннатим ва зиёфатимга келадилар», дейди.

Бешинчиси: Рамазоннинг оҳирги кечаси бўлганда, уларнинг барчасини Аллох мағфират қилиб юборади», деган эдилар, (атрофдагилар): «Эй Аллохнинг Расули, у Қадр кечасими?» дейишди. Шунда у зот: «Йўқ! Агар ишчилар ишларини тугатсалар, хақлари тўлиқ қилиб бериладими?!»
(Яъни бу мукофот улар рўзани тўлиқ тутганлари учун берилади, Қадр кечасининг савоби алохида берилади).

✍️ Насоий ва Байхақий ривоят қилишган.