Келасан ёнимга келасан

Жим кетдинг сўзларим тингламай,
Беқиёс мехримни англамай.
Бир лаҳза ғуруринг ўйламай-
Келасан ёнимга келасан...

Эгилиб мағрур бу бошларинг,
Бир куни қадримни биласан.
Юзларинг ювганда ёшларинг-
Келасан, ёнимга келасан...

Гулюзларинг сийпалаб ҳижрон,
Майин сочинг силайди армон.
Ишқ дардига тополмай дармон-
Келасан, ёнимга келасан...

Кўчангдан тополмай изларим,
Кўчамда шамолдек еласан.
Соғиниб ишқ тўла кўзларим-
Келасан, ёнимга келасан...

Термулиб биз юрган йўлларга,
Хазондек сарғайган гулларга.
Хар кунинг туйилиб йилларга-
Келасан, ёнимга келасан...

Сезгандай ўз қилган айбингни,
Андуҳлар эгаллаб қалбингни.
Айтолмай ҳеч кимга дардингни-
Келасан, ёнимга келасан...

Дардларинг сиғмай тор юракка,
Тиласан, бағрингни тиласан.
Фарёдинг етгудай фалакка-
Келасан, ёнимга келасан...

Айрилиқ онларин чўзолмай,
Муҳаббат қасрини бузолмай.
Жасурдан кўнглингни узолмай-
Келасан, ёнимга келасан...

Келасан ёнимга келасан

Изоҳлар

Шу мавзуда

Ишонмасангиз нега Севдингиз

Нега сени унутдим?

Ўнтасини севиб

Ўзлигимни ўзим ташлаб кетаман

Саволларга мас севгингни

Жоним бериб севгандим мени асло севмадинг