Сен кибрга жой берма кўнглим

Умр қисқа, хаёт ғанимат,
Оз фурсатни бой берма кўнглим.
Сен ишқ билан бўлгину улфат,
Лек кибрга жой берма кўнглим.

Бир хушкалом мехр уйғотар,
Ёмон сўзчи дўстни йўқотар,
Манманлик-буэнг катта хатар,
Сен кибрга жой берма кўнглим.

Тавозе қил, камтар бўл бироз,
Камтарликдан топарсан эъзоз,
Кибр фақат Яратганга хос,
Сен кибрга жой берма кўнглим.

Севги қўлинг тутса йўқ дема,
Хақийқат рост сўзлар ранжима,
Риё-гунох ортилган кема,
Сен гунохга жой берма кўнглим.

Хамрох қилма хийла, макрни,
Ёлғон еган ошинг татирми,
Ибрат билгин хокисорерни,
Сен кибрга жой берма кўнглим.

Беш кунликда ўткинчи дунё,
Бир ел каби ўтади гўё,
Толиб тошгин мисоли дарё,
Лек кибрга жой берма кўнглим...!