Мен сени соғиниб ўларман бир кун

Мен сени соғиниб зор-зор йиғладим,
Севгимни этолмай изҳор, йиғладим,
Расмингга термулиб, бедор йиғладим,
Ҳажрингда кун-бакун сўрарман бу кун,
Мен сени соғиниб ўларман бир кун.

Севиб севилмаган юрагим маним,
Ёр, сенга бўлмаса керагим маним,
Саробга дўнарми тилагим маним,
Сенга илтижолар қиларман бу кун,
Мен сени соғиниб ўларман бир кун.

Ишқингда ҳорларга сарбон бўлайин,
Бир умр қалбингда армон бўлайин,
Ишқинг йўлларида қурбон бўлайин,
Шеър бўлиб киргайман бир кун,
Мен соғиниб ўларман бир кун.

Арши Аълоларга нолам етмади,
Сени пешонамга қисмат қилмади,
Қалбингдаги музлар эриб кетмади,
Мен сенга бахт тиларман бу кун,
Мен сени соғиниб ўларман бир кун.