Сени мангу кутавераман...

Олислардан бахтингни тилаб,
Зимдан меҳрим тутавераман.
Орзуларим армонга белаб,
Бир ўзингни кутавераман.

Сен Лайлисан, Мажнунинг ўзим,
Сенсиз ёлғиз ўтавераман.
Йўлларингга нигорон кўзим,
Бир ўзингни кутавераман.

Мени унут,- деганинг нечун?
Исминг дилга битавераман...
Кўзларингни бир кўрмоқ учун,
Бир ўзингни кутавераман.

Ҳижрон дарди енголмас эркам,
Ғам шаробин ютавераман.
Келмаслигинг билиб туриб ҳам,
Сени мангу кутавераман...