Seni mangu kutaveraman...

Olislardan baxtingni tilab,
Zimdan mehrim tutaveraman.
Orzularim armonga belab,
Bir oʻzingni kutaveraman.

Sen Laylisan, Majnuning oʻzim,
Sensiz yolgʻiz oʻtaveraman.
Yoʻllaringga nigoron koʻzim,
Bir oʻzingni kutaveraman.

Meni unut,- deganing nechun?
Isming dilga bitaveraman...
Koʻzlaringni bir koʻrmoq uchun,
Bir oʻzingni kutaveraman.

Hijron dardi yengolmas erkam,
Gʻam sharobin yutaveraman.
Kelmasliging bilib turib ham,
Seni mangu kutaveraman...