Не учун араз

Тоғ бўлсам хам, эгдим бошимни,
Булут бўлиб тўкдим ёшимни,
Қўлингизга қалб қуёшимни
Тутаяпман. Не учун араз?

Мен томонга қўймайсиз қадам,
Куйинмайсиз, мен куйганда хам.
Қадахимдан туганмас алам —
Ютаяпман. Не учун араз?

Хеч ўчмайди юракдаги чўғ,
Бу оловда омон қолиш йўқ.
Унут, дея урсангиз хам дўқ,
Кутаяпман. Не учун араз?

Йиғламайсиз энди бизни деб,
Олисларда қолган қизни деб.
Мен дунёдан фақат сизни деб
Ўтаяпман. Не учун араз?