Манманлик ёмон

Камтар бўл камтар бўл камтар бўл инсон,
Билиб йўқ топмоқдан ёқотмоқ осон,
Ҳеч қачон берилма кибр-у ҳавога,
Манманлик ёмондур манманлик ёмон.

Дўст бор дастурхонда ошингни ейди,
Дўстлар бор майдонда бошингни ейди,
Йиқилсанг қўл чўзмас баттар бўл дейди,
Манманлик ёмондур манманлик ёмон.

Уч нарсани доим қочгин зарбидан,
Ичкилик, Қарздорлик, аёл макридан,
Синиб кетиш осон шулар жабридан,
Манманлик ёмондур манманлик ёмон.

Доим ота онанг ёдинга солғин,
Қариндош, қондошдан сен ҳабар олгин,
Камтарлик дарсини мукаммал билгин,
Манманлик ёмондур манманлик ёмон.

Қора доғ тушмасин дилингни асра,
Пул топсанг керилма, феълингни асра,
Ўзингни босиб ол тилингни асра,
Манманлик ёмондур манманлик ёмон.

Яхшию ёмоннинг шаҳрини қилгин,
Дўст билан душманнинг фарқини билгин,
Аҳад қаюм сўзин қулоққа илгин,
Манманлик ёмондур манманлик ёмон.

Камтар бўл камтар бўл камтар бўл инсон,
Билиб йўқ топмоқдан ёқотмоқ осон,
Ҳеч қачон берилма кибр-у ҳавога,
Манманлик ёмондур манманлик ёмон.

Аҳад Қаюм