Кутинг, Она, ёнингизга бораяпман

Она, Дунё ташвишидан хориб қолдим,
Вақт ҳукмига чидолмай гох, нолиб қолдим.
Мана бугун, сизни ёдга олиб қолдим,
Умрим мезон, менчи ўйга толаяпман,
Кутинг, Она, ёнингизга бораяпман!

Мен баҳтлиман бағрингизда онам фақат,
Далли дунё бўлса хамки ҳўп бешафқат,
Осмон олис, замин заранг, анқодир баҳт,
Гувалакдек, уваланиб, нураярман,
Кутинг, Она, ёнингизга бораяпман!

Кўкка қўлим чўзсам қўлим етмаяпти,
Югурсамда, сизга йўлим етмаяпди
Сизсиз хатто, қултум сув хам ўтмаяпти,
Дийдорингиз оловида ёнаяпман,
Кутинг, Она, ёнингизга бораяпман!

Сизсиз менга бу дунёни завқи нима?
Сизсизкелган шодлигию, шавқи нима?
Ташвишларим, тўсиқ бўлманг, сиз йўлима...
Она, сизсиз япроқ каби сўлаяпман,
Мехр истаб, ёнингизга бораяпман!

Дил қатига олис дамлар хиссин солиб,
Умрингизни Хақдан сўрай минг ёлвориб,
Ситамлардан ситилган бир жоним олиб,
Жаннатдайин бағрингизни қўмсаяпман,
Кутинг, Она, ёнингизга бораяпман!