Кутинг, Она, ёнингизга бораяпман ота-она хакида шеър

Она, Дунё ташвишидан хориб колдим,
Вакт хукмига чидолмай гох, нолиб колдим.
Мана бугун, сизни ёдга олиб колдим,
Умрим мезон, менчи уйга толаяпман,
Кутинг, Она, ёнингизга бораяпман!

Мен бахтлиман багрингизда онам факат,
Далли дунё булса хамки хуп бешафкат,
Осмон олис, замин заранг, анкодир бахт,
Гувалакдек, уваланиб, нураярман,
Кутинг, Она, ёнингизга бораяпман!

Кукка кулим чузсам кулим етмаяпти,
Югурсамда, сизга йулим етмаяпди
Сизсиз хатто, култум сув хам утмаяпти,
Дийдорингиз оловида ёнаяпман,
Кутинг, Она, ёнингизга бораяпман!

Сизсиз менга бу дунёни завки нима?
Сизсиз келган шодлигию, шавки нима?
Ташвишларим, тусик булманг, сиз йулима...
Она, сизсиз япрок каби сулаяпман,
Мехр истаб, ёнингизга бораяпман!

Дил катига олис дамлар хиссин солиб,
Умрингизни Хакдан сурай минг ёлвориб,
Ситамлардан ситилган бир жоним олиб,
Жаннатдайин багрингизни кумсаяпман,
Кутинг, Она, ёнингизга бораяпман!