Аёл Киши Синалармиш ЙЎҚЧИЛИКДА!

АЁЛ КИШИ СИНАЛАРМИШ ЙЎҚЧИЛИКДА
Азизларим, йўқчилик ҳам бир синовдир,
Азизларим тўқчилик ҳам бир сийловдир,
Яхши ёмон кунлар бўлар турмушдир бу,
Бесабрлик ёмондир бу, хатодир бу.
Аёл киши синалармиш йўқчиликда.
Эркак киши синалармиш тўқчиликда.

Омад келса дўсту ёринг кўп бўлади,
Омад кетса битта дардкаш йўқ бўлади,
Шундайлар бор ёмон кунда ташлаб кетар,
Ёлғизликда юраккинанг чўғ бўлади.
Аёл киши синалармиш йўқчиликда,
Эркак киши синалармиш тўқчиликда.

Эркак киши синалади пул топганда,
Аёл киши синалади ғам тотганда,
Шундайлар бор оиласин ўйламайин,
Хиёнатга қўл урарлар хиёнатга.
Аёл киши синалармиш йўқчиликда,
Эркак киши синалармиш тўқчиликда.
Аёл борки борида ҳам йўғида ҳам,
Қўллаб турар ўз жуфтини энг оғир дам,
Аёл борки бир кун рўзғор оқсаб қолса,
Ярим кунга етишмайди сабру чидам.
Аёл киши синалармиш йўқчиликда,
Эркак киши синалармиш тўқчиликда.

Эркак борки, борида ҳам йўғида ҳам,
Қўллаб турар ўз жуфтини энг оғир дам,
Эркак борки бир кун даври гуллаб қолса,
Суйкалади ҳар учраган аёлга ҳам.
Аёл киши синалармиш йўқчиликда,
Эркак киши синалармиш тўқчиликда.
Дўстлар шуни истайдики Аҳад Қаюм,
Турмуш дерлар, бир кун енгил, бир кун қийин,
Ким севгисин муҳаббатин асрамаса,
Ўз ҳаётин бир кун барбод қилар тайин.
Аёл киши синалармиш йўқчиликда,
Эркак киши синалармиш тўқчиликда.
Азизларим, йўқчилик ҳам бир синовдир,
Азизларим тўқчилик ҳам бир сийловдир,
Яхши ёмон кунлар бўлар турмушдир бу,
Бесабрлик ёмондир бу, хатодир бу.
Аёл киши синалармиш йўқчиликда.
Эркак киши синалармиш тўқчиликда.