Ўзингни асрагин мен боргунимча

Қачон қайтишимни билмайман ўзим
Сени соғиняпман кўзлари ғунча
Ёдда тут доимо айтар шу сўзим
Ўзингни асрагин мен боргунимча

Ҳаммаси бўлади кўпам ўйлама
Ўйланиб тунлари бағринг тиғлама
Шу сендан ўтинчим жоним йиғлама
Ўзингни асрагин мен боргунимча

Етар бас, ўзингни қийнама бунча
Бу кунлар ўтади ҳаш-паш дегунча
Совуқ кун иссиқроқ кийиб юр нимча
Ўзингни асрагин мен боргунимча

Мени ҳеч ўйлама ўтмоқда куним
Фақат сал қийналдим кўниккунимча
Мени севсанг агар чинданда гулим
Ўзингни асрагин мен боргунимча...