Мехр кутиб кимдандир

Ичим тўла дарду ғам,
Айтолмайман хеч кимга.
Нафас олсам санчилар,
Хар ютганда кўксимга.
Кўнглим озиб оғринар,
Дил безовта недандир.
Жовдирайди хар ёнга,
Мехр кутиб кимдандир.

Ич-этимни емоқда,
Ичимдаги ғалаён.
Портламайди, чиқмайди,
Типирчилар чалажон.
Гунохим кўп нахотки,
Ночорлигим шундандир.
Кўзим излар доимо,
Мехр кутиб кимдандир.

Талпинаман чўққига,
Оёғимга тош осган.
Йиқилишим кутибла,
Қозонларга ош осган.
Бедорлигим тундан-у,
Беморлигим кундандир.
То кайгача яшайман,
Мехр кутиб кимдандир!