Онанга қўнғироқ қилдингми бугун

Бу дунёда меҳр оқибат устун,
Мусофир юртларда юрганинг
учун,
Соғиниб интизор кутиб турганда,
Онанга қўнғироқ қилдингми
бугун...?

Ҳар зум хавотирда соатга
қараб,
Ҳар кун дуосида омадинг
сўраб,
Гоҳида пинҳона соғинса йиғлаб,
Онанга қўнғироқ қилдингми бугун...?

Ўзинг учун елиб, бахтингни
топдинг,
Дўсту ошноларга вақтингни
топдинг,
Шу кунларга етиб қадрингни топдинг,
Онанга қўнғироқ қилдингми
бугун...?

Ногаҳон боланга бир озор
етса,
Кўзинга дунё тор, кунинг бўлар тун,
Сен деб тунлари беором ўтса,
Онанга қўнғироқ қилдингми
бугун...?

Онаси қололмай дарддан
қутқариб, Мозорга борарлар гуллар кутариб,
Меҳрга зор бўлиб қолибди қариб,
Онанга қўнғироқ қилдингми
бугун...?

Мана шу кунларда бир ўйлаб
кўргин, Ўзинг учун олдинг қанча зўр
кийим,
Айтгин онанг учун не қилдинг
дўстим,
Бир марта қўнғироқ қилдингми
бугун...!