Мени ташлаб кетасизми

Булут тўла осмонларга,
Поёни йўқ армонларга,
Умри боқий ҳижронларга,
МЕНИ ТАШЛАБ КЕТАСИЗМИ.?

Ёлғизгинам бўла туриб,
Муҳаббатим била туриб,
Менга қараб кула туриб,
МЕНИ ТАШЛАБ КЕТАСИЗМИ.?

Ёки синаб сабримни,
Ололмасдан дардимни,
Била олмай қадримни,
МЕНИ ТАШЛАБ КЕТАСИЗМИ.?

Кулгингиз дардга даво,
Сўзингиз ширин наво,
Меҳрингиз кўрмай раво,
МЕНИ ТАШЛАБ КЕТАСИЗМИ.?

Қувонч бериб мунгли кўзга,
Ишонтириб ёлғон сўзга,
Ҳаёлингиз олгач ўзга,
МЕНИ ТАШЛАБ КЕТАСИЗМИ.?

Ваъдаларга кўмиб-кўмиб,
Қалбим қолди шунга кўниб,
Азобларга кўзни юмиб,
МЕНИ ТАШЛАБ КЕТАСИЗМИ.?

Қиёматга қолди дийдор,
Ишқдан кўрдим фақат озор,
Ёнгинамга келмай бир бор,
МЕНИ ТАШЛАБ КЕТАСИЗМИ.?

Ёлғиз қолар кун ҳам тунсиз,
Қалбим йиғлар бугун унсиз,
Севгим қолар сизсиз ёлғиз,
МЕНИ ТАШЛАБ КЕТАСИЗМИ.?

Самоларга етар оҳим,
Наҳот севганим гуноҳим,
Бўлмай бир умр ҳамроҳим,
МЕНИ ТАШЛАБ КЕТАСИЗМИ.?

ўкинчларга тўлар дилим,
Исмингизни қўймас тилим,
Жоним олар бўлса ўлим.
МЕНИ ТАШЛАБ КЕТАСИЗМИ.?

Дердингизку ахир бегим,
Сизла бахтли ҳар бир оним,
Энди ёқиб ҳонумоним,
МЕНИ ТАШЛАБ КЕТАСИЗМИ.?

Баҳорларм бугун хазон,
Муҳаббатим айлаб арзон,
Йўлингизда қилиб сарсон,
МЕНИ ТАШЛАБ КЕТАСИЗМИ.?

Юрардим кўкда учиб,
Бахт деб саробни қучиб,
Азизам мендан кечиб,
МЕНИ ТАШЛАБ КЕТАСИЗМИ.?

Йўллармда бўлиб пайдо,
Ўзингизга қилиб шайдо,
Сўранг айлай жоним фидо,
МЕНИ ТАШЛАБ КЕТАСИЗМИ.?

Ҳижронга топмай чора,
Адо бўлдим начора,
Сўнаман бора-бора,
МЕНИ ТАШЛАБ КЕТАСИЗМИ.?

Келмасангиз қошимга,
Чўкаман кўз ёшимга,
Азоб тушса бошимга,
МЕНИ ТАШЛАБ КЕТАСИЗМИ.?

Юрак йиғлар сўзга кўнмай,
Ҳазон бўкди гулим унмай,
Наҳот сира афсусланмай,
МЕНИ ТАШЛАБ КЕТАСИЗМИ.?

Ширин сўзлаб дона-дона,
Дердингиз-ку сиз ягона,
Наҳот энди мен бегона,
МЕНИ ТАШЛАБ КЕТАСИЗМИ.?

Орзуларм энди сароб,
Муҳаббатим бўлди хароб,
Саволимга бермай жавоб,
МЕНИ ТАШЛАБ КЕТАСИЗМИ.?

Бахт қушини учиринг деб,
Мени дилдан ўчиринг деб,
Тақдир экан кечиринг деб,
МЕНИ ТАШЛАБ КЕТАСИЗМИ.?