Қўлингиздан келганча яхшилик қилинг

Дунёда барчаси ўткинчи билинг.
Нафратни унутиб меҳрни беринг.
Бир кун ортингиздан яхши ном қолар.
Қўлингиздан келганча яхшилик қилинг.

Ким яхши ким ёмон ҳудо билади.
Айби бор бир куни жазо олади.
Яхшига доимо омад кулади.
Қўлингиздан келганча яхшилик қилинг.

Беморлар ҳолидан олингиз хабар.
Озгина меҳир-у муҳаббат етар.
Улардан қайтмаса ҳудодан қайтар.
Қўлингиздан келганча яхшилик қилинг.

Савобга ишлатинг бўлса пулингиз.
Саҳоват йўлида очиб қўлингиз.
ОЛЛОҲИМ беради рисқ насибангиз.
Қўлингиздан келганча яхшилик қилинг.

Етим болаларнинг силанг бошини.
Йиғлаган кўзларнинг артинг ёшини.
Муҳтожга узатиб ёрдам қўлини.
Қўлингиздан келганча яхшилик қилинг.