Аёлни ҳўрламанг, аёл-бу она

Аёлни ранжитманг, аёлни сўкманг,
Бехуда қийнаманг, кўз ёшин тўкманг,
Аёлсиз кошоналар гўё вайрона,
Аёлни ҳўрламанг, аёл-бу она!

Аёлни иззату нафсига тегманг,
Токи эркаклардан қолмасин кўнгил,
Номусин топтаманг, бошини эгманг,
Аёл опамиздир, аёл- бу сингил!

Гапларимиз ботиб пичоқ тиғидек,
Қалбида қолмасин доғу изимиз,
Аёлни асрайлик кўз қорачиғидек,
Аёл келинимиз, аёл қизимиз.

Аёлни асрайлик қадрига этиб,
Аёл ёримиздир, вафодоримиз,
Аёл онамиздир, меҳрибонимиз,
Аёл номусимиз, аёл оримиз.