Сиз севган ширинликлар қандай пайдо бўлган

Ширинликларни ҳуш кўрмайдиган инсон бўлмаса керак. Бугун кўпчилик севиб истеъмол қиладиган десертларнинг яралиш тариҳига тўҳталамиз.

МАКАРОН
Туҳум оқи, шакар ва бодом унидан тайёрланадиган мазкур ширинлик, баъзи маълумотларга қараганда, Италияда уйғониш даврида , бошқа маълумотларга кўра эса, Францияда, ХВИ асрда Экатерина Медичи томонидан Апеннин ярим оролидан келтирилгач пайдо бўлган.Нима бўлганда хам, аввал бошда мазкур ширинлик ўртасида крем ёки мураббо билан ёпиштирлмаган, оддий печенъе кўринишида бўлган. Хозирги кунга келиб қандолатчилар бор фантазияларини ишга солиб, турфа ҳил крем ва қиёмлар билан тўлдирмоқдалар.


ЭКЛЕР
Десерт ХИХ аср бошида ошпаз Мари-Антуан Карем шарофати билан дунёга келган. Хозирги кунда барчага таниш бўлган қайнатилган ҳамирдан тайёрланадиган ширинликни айнан у ўйлаб топган. Ширинлик француз амалдорлари томонидан жуда севиб истеъмол қилинган ва яшин тезлигида еб қўйилган. Айнан шунинг учун унга «эклер» номи берилган бўлиб, бу сўз французчадан чақмоқ маъносини англатади. Қизиқарли томони, мукаммал эклернинг узунлиги 14см бўлиб, унинг креми хам ҳамири сингари қайнатилган бўлиши керак.


ТИРАМИСУ
Гарчи италияликлар мазкур ширинлик ХВИИ асрда ширинликсевар Козимо ИИИ Медичининг Сиэннага ташрифи шарафига яратилганлигини иддао қилсаларда, аслида тирамису 1960-1970 йилларда қанолатчиларнинг тажрибаси натижасида пайдо бўлган. Калорияга бой ва таркибида қахва бўлган ширинлик, италянчадан таржима қилганда «мени тетиклаштир» деган маънони англатади.


БЕЗЕ
Безе (ёки меренга) тайёрланиши жуда хам содда бўлган ширинликлардан хисобланади. Унинг пайдо бўлишига доир икки ҳил афсона мавжуд. Бирига кўра: уни Швейцариядаги Майринген шахрида яшаган қандолатчи тайёрлаган, меренга номининг келиб чиқиш сабаби хам шу, иккинчи хикояга ишонадиган бўлсак, безенинг ватани Франция бўлиб, французча баисер (бўса) сўзидан келиб чиққан. Айнан мазкур давлатда ушбу ширинликнинг биз учун одатий бўлган тайёрланиш усули Франсуа Массиалнинг ХВИИ асрда чоп этилган ошпазлик китобида қайд этилган.


ШОКОЛАД ПЛИТКАСИ
Майя хиндулари ва ацтеклар узоқ вақт давомида қовурилган ва янчилган какао донига сув аралаштириб тайёрланган яхна ичимлик истеъмол қилишган. У таҳир ва жуда озуқавий бўлган. Мустамлакачилар бу ичимликни Эвропага олиб келиб, уни ширин қилдилар. ХИХ аср бошларида голландиялик Конрад ван Гутен какао мойи ишлаб чиқариш теҳнологиясини патентлади, шу аср оҳирида эса қуруқ сут қўшиб, сутли шоколад плиткалари ишлаб чиқариш йўлга қўйилди.


ЧИЗКЕЙК
Агар мазкур ширинлик пайдо бўлганига кўп бўлмаган деб ўйласангиз, адашасиз. Қадимий Мисрни чизкейкнинг ватани десак хам бўлади. Айнан ўша эрда илк маротаба творогли пирог тилга олинган. У даврларда маълумотларга кўра, озуқавий қиймати юқори бўлган ширинлик спортчилар томонидан истеъмол қилинган. Кейинчалик Рим, сўнгра Англияга этиб борган ширинлик, айнан Америка Қўшма Штатларида катта машхурликка эришган. Америкда мазкур десерт қахваҳоналар таомномасининг ажралмас қисмига айланган.


ПУДИНГ
Инглиз ошҳонасининг асл тимсоли бўлган пудинг илк бошда ширинлик бўлмаган ва гўшт ва қуруқ мевалардан тайёрланган. Унинг мазкур кўриниши ХВИИИ – ХИХ асрларгача сақланиб келган. Кейинчалик унга ёнғоқдан тортиб, шакаргача, Британия салтанатининг хар бурчагидан келтирилган турли масаллиқлар қўшила бошлаган. Шу сабабли у мамлакат қудрати тимсоли хисобланган.