Шоҳруҳхон - Менинг қўшигим

Сўрама,
Ҳол-аҳволим аниғи дарду маломат,
Қара, сўниб боради юзда аломат.
Қилма асабимда нақду даромад,
Илтимосимга диққатингни қарат.
Бало тузма, шароитимни ярат,
Қанақа бемаҳал, ҳам ўша ҳолат,
Нима бўлади берсанг сўзга бир фурсат?
Хаёлим аросат.

Ана дединг, хўп дединг,
Ёзда қор ёғса дединг.
Кутиб адо бўлдим,
Уйқуга зор бўлдим.
Кўнглингни ҳамон
Югуриб-юриб ҳам топа олмадим,
Имлайди қўшиғим.

Ўйнама,
Кўзларимга қараб, қалбимни синдирма,
Хазил қилсам кўтаради деб ўйлама.
Кўнгил берган кўникади-да дема,
Нозлару нафосатингга бойлама,
Севаманда фойда билиб куйдирма.
Лабларингни буриштирма, юз ўгирма,
Қора кўзим ўзингдан мени айирма,
Айирма, айрилма.

Ана дединг, хўп дединг,
Ёзда қор ёғса дединг.
Кутиб адо бўлдим,
Уйқуга зор бўлдим.
Кўнглингни ҳамон
Югуриб-юриб ҳам топа олмадим,
Имлайди қўшиғим. (х2)