Божалар гуруҳи - Дилором

Эски шаҳарда юрардим кўча чангитиб,
Маҳалламдан ўтган қизлар бошин гангитиб.
Хаёлимни бир кун олди гўзал бир пари,
Кўзлари тим қора экан, лаблари ғунчали.

Жонгинам кўзмунчоқ, ой юзли қўғирчоқ,
Маликам бўл, бўлайин ўзим офатли тойчоқ.
Оҳ гўзал қизалоқ, кўзи қора мунчоқ,
Ёлғиз қолган чоғимда ўзинг манга овунчоқ.

О ширин забоним, сан моҳитабоним,
Доим бўлсанг ёнимда, бахтли бўлар ҳар оним.
Сени севаман, жоним, жоним Дилоромим.

Маълум эмас балки сенга мажнунларнинг ҳоли,
Қабул қилгин ошиғингнинг севги изҳорин.
Ман ўзимман руҳсоринг ошуфта гирифтори,
Сени жуда севадирман, юрагимнинг зори.

Жонгинам кўзмунчоқ, ой юзли қўғирчоқ,
Маликам бўл, бўлайин ўзим офатли тойчоқ.
Оҳ гўзал қизалоқ, кўзи қора мунчоқ,
Ёлғиз қолган чоғимда ўзинг манга овунчоқ.

О ширин забоним, сан моҳитабоним,
Доим бўлсанг ёнимда, бахтли бўлар ҳар оним.
Сени севаман, жоним, жоним Дилоромим.

Қарашларига борман гўзал ўша санамнинг,
Қошларига шайдо бўлдим қошлари қаламнинг.
Кўнглини олиш қийин бўлди сениора мадамнинг,
Энди тезроқ уйга бориб, кўндирай дадамни.

Уйига борайлик катта тоғорани олиб,
Карнай-сурнай, ноғораю доирани олиб.
Бизлар юрайлик этагимиз болага тўлиб,
Қачонгача юрамиз бўйдоқ бола бўлиб?

Қайтгим келар бир зум ўша дамга ҳар кун,
Севгилим, чиройингни соғиндим ёмон бугун.
Порлайди камалак, учади капалак,
Манинг ёрим чиройли, қора сочли жингалак.

Ёмғир ёғар чак-чак, бўл манга келинчак,
Бир йилдан кейин оламиз бешик ва беланчак.
Сени севаман, жоним, жоним Дилоромим.