Алишер Зокиров - Онам (2019)

Манзилига эсон-омон борибдими,
Жойи юмшоқ, чойи иссиқ турибдими?
Болам узоқларда яхши юрибдими,
Нигоҳлари ҳавотирга кўчган онам,
Бизни дея дунёлардан кечган онам.

Онам, Онам, Онам, Онам,
Бизни дея дунёлардан кечган онам.
Онам, Онам, Онам, Онам,
Бизни дея дунёлардан кечган онам.

Булут бўлсам, кўкга қўлим етгунича,
Дарё бўлсам, суви қуриб кетгунича,
Ҳамма улфат экан иши битгунича,
Давлат топсам, хаёлимдан ўчган онам,
Бизни дея дунёлардан кечган онам.

Онам, Онам, Онам, Онам,
Бизни дея дунёлардан кечган онам.
Онам, Онам, Онам, Онам,
Бизни дея дунёлардан кечган онам.

Кўрдим, кўзлар алдаганин бир-бирини,
Кўрдим, дўстлар сотганини дўст сирини,
Кўрдим, тилда юрган ёлғончилар зўрини,
Фикр қилдим, қалбимга нур сочган – онам,
Бизни дея дунёлардан кечган онам.

Онам, Онам, Онам, Онам,
Бизни дея дунёлардан кечган онам.
Онам, Онам, Онам, Онам,
Бизни дея дунёлардан кечган онам.