Alisher Zokirov - Onam (2019)

Manziliga eson-omon boribdimi,
Joyi yumshoq, choyi issiq turibdimi?
Bolam uzoqlarda yaxshi yuribdimi,
Nigohlari havotirga koʻchgan onam,
Bizni deya dunyolardan kechgan onam.

Onam, Onam, Onam, Onam,
Bizni deya dunyolardan kechgan onam.
Onam, Onam, Onam, Onam,
Bizni deya dunyolardan kechgan onam.

Bulut boʻlsam, koʻkga qoʻlim yetgunicha,
Daryo boʻlsam, suvi qurib ketgunicha,
Hamma ulfat ekan ishi bitgunicha,
Davlat topsam, xayolimdan oʻchgan onam,
Bizni deya dunyolardan kechgan onam.

Onam, Onam, Onam, Onam,
Bizni deya dunyolardan kechgan onam.
Onam, Onam, Onam, Onam,
Bizni deya dunyolardan kechgan onam.

Koʻrdim, koʻzlar aldaganin bir-birini,
Koʻrdim, doʻstlar sotganini doʻst sirini,
Koʻrdim, tilda yurgan yolgʻonchilar zoʻrini,
Fikr qildim, qalbimga nur sochgan – onam,
Bizni deya dunyolardan kechgan onam.

Onam, Onam, Onam, Onam,
Bizni deya dunyolardan kechgan onam.
Onam, Onam, Onam, Onam,
Bizni deya dunyolardan kechgan onam.