Гуноҳи йўқ етим қолганлар

Она меҳрин хис қилолмаган,
Ота меҳрин эҳ билолмаган.
Қувонч ила ҳеч кулолмаган,
Гуноҳи йўқ етим қолганлар.

Дейди онам қачон келади,
Мени қачон олиб кетади.
Шу тариқа ғамлар ютади,
Гуноҳи йўқ етим қолганлар.

Кеча, кундуз интизор кутиб,
Бир-биррини қўлидан тутиб.
Онам дея ғамларни ютиб,
Гуноҳи йўқ етим қолганлар.

Дейди дадам қачон келади,
Менинг дардим қачон билади.
Бедор кўнглим қачон кулади,
Гуноҳи йўқ етим қолганлар.

Наҳот шунча кераксиз бўлсам,
Бундан кўра яшамай ўлсам.
Онажоним бир-бора кўрсам,
Гуноҳи йўқ етим қолганлар.

Оналар бор фарзанддан кечган,
Оталар бор фарзанддан қочган.
Эҳ айримлар боласин янчган,
Гуноҳи йўқ етим қолганлар.