Келинчакка айтиб қўйинг йиғламасин

Армон оти орзулардан ўзиб кетти,
Ҳижронлари ёр бағрини тиғламасин.
Ҳаёллари ҳар томонга тўзиб кетти,
Келинчакка айтиб қўйинг йиғламасин.

Мен йиғладим нетай бағри дилим ҳунда,
Кўнгил узиб кетолмадим кўнгил унда,
Баҳтлар тилаб барча шодон бўлган кунда,
Келинчакка айтиб қўйинг йиғламасин.

Йиғлаб-йиғлаб чертдим кўнглимдаги торни,
Кечирсинлар мендай ожиз мендай ҳорни.
Орзумиди ёт ёнида кўрмоқ ёрни,
Келинчакка айтиб қўйинг йигламасин.

Боролмайман ўзга ошиқ ёр ёнида,
Висолига дийдорига зор ёнида.
Чидолмайман ёрим турса ёт ёнида,
Келинчакка айтиб қўйинг йиғламасин.

Ошиқ аҳли йиғлар кўнглим нидосига,
Бардошим йўқ ёр - ёрларин садосига.
Куйинмасинлар мен ошиқу гадосига,

Келинчакка айтиб қўйинг йигламасин.
Кўз ёшлари юрак бағрим тиғламасин.
Келинчакка айтиб қўйинг йигламасин.