Баҳтдан бошқасига кўнмайман сира

Гарчи эртам нурсиз, ўтмишим ҳира,
Мени кимлигимни тақдирдан сўра,
Мол-давлат менга оддий йўлкира,
Баҳтдан бошқасига кўнмайман сира!

Кўнглим эритолмас ошиқона ис,
Майли, бўлса хамки қанчалар нафис,
Бир пулга қимматдир, шоирона хис,
Баҳтдан бошқасига кўнмайман сира!

Бир кун яшасам хам, шуни сўрайман,
Минг йил яшасам хам, шуни сўрайман,
Алдовларинг қурсин, "ўзим ўлай ман",
Баҳтдан бошқасига кўнмайман сира!

Бағрим қучса фақат баҳтни деб қучар,
Тонгу-тун тилимдан битта сўз учар,
Ха, шундай ўжарман, мен шундайин ўжар,
Баҳтдан бошқасига кўнмайман сира!

Айт, қандоқ сўрайин, суйиб, эркалаб,
Ё қачон турайин, шомда, эрталаб,
Шундай жаранглайди юракдан талаб,
Баҳтдан бошқасига кўнмайман, сира!

Яна қанча кутай, юз йилму, кўпроқ?
Наҳот, баҳт дегани шунчалар йирок?
Неки берган бўлсанг, минг шукр, бироқ,
Баҳтдан бошқасига кўнмайман сира!

Тоатларда ўтсин ёзу-қишимиз,
Тоқатларда ўтсин ғам-ташвишимиз,
Биз битта эмасмиз, икки кишимиз,
Баҳтдан бошкасига кўнмаймиз сира...