РАМАЗОН ТУХФАСИ

РАМАЗОН ТУХФАСИ.🌺🕊

Жамики рўзадор ака-укаларим номидан!
Азиз ва Мунис, Камтарин ва Ҳокисор Ўзбегим Аёлларига☝️...

Дунёнинг ҳаёю-шарми сизники!
Ширинлик ва хамда гарми сизники!
Ўзбегим аёли, унутманг асло:
Тутган рўзамизнинг ярми-сизники!

Зўр-базўр турамиз сахарга аранг,
Тайёр овқатга хам қиламиз таранг,
Уйғотасиз,ялиниб... бизларни,қаранг:
Тутган рўзамизнинг ярми-сизники!

Кундузи тенгма-тенг тўкасиз терлар,
Сизсиз қуриб битар экин-у,эрлар,
Билдим, жонингизни недан қирқ дерлар:
Тутган рўзамизнинг ярми-сизники!

Биз тутган рўзани сиз хам тутяпсиз,
Газ йўқ-ўчоғингиз... тутун ютяпсиз,
Хамон келажакдан-умид... кутяпсиз:
Тутган рўзамизнинг ярми-сизники!

Қўлингиз косов-у, сочлар-супурги,
Эгнизда-кўйлаклар... бир йил бурунги,
Сизга бас, овсинлар жонли гурунги:
Тутган рўзамизнинг ярми-сизники!

Аслида Аллохнинг рахмати-Сизсиз!
Бирингиз-қайнона, келинсиз-қизсиз!
Билмадим ахвол не бўларди, Сизсиз:
Тутган рўзамизнинг ярми-сизники!

Бу хақда ёзгандим... яна қайтаман,
Ташаккур айтайин қайта-қайта Ман,
Кимгадир ёқмаса... баланд айтаман:
Тутган рўзамизнинг ярми-сизники!