Дилсўз - Бегим

Кун йиғладим, тун йиғладим,
Билмадингиз бегим-эй.
Чорладим кўп, назар қилиб
Келмадингиз бегим-эй. (х2)

Дунёларга сиғмай кетдим,
Ўзни отдим тақдирга. (х2)
Бир олмадек оқдим сойда,
Олмадингиз бегим-эй. (х2)

Келмадингиз, келмадингиз,
Билмадингиз бегим-эй.
Келмадингиз, билмадингиз,
Билмадингиз бегим-эй.

Оҳларимга осмон йиғлар,
Тоғлар аза тутади. (х2)
Бағриқоним бағримдаги
Нолаларга ўтади. (х2)

Сизни қайси дилбар мендек
Тоқат билан кутади? (х2)
Фироқида ғариб қилган
Бағритошим бегим-эй. (х2)

Келмадингиз, келмадингиз,
Билмадингиз бегим-эй.
Келмадингиз, билмадингиз,
Билмадингиз бегим-эй.

Йўллар узоқ, кўнгил яқин,
Десангиз ҳам бўларди.
Кўнглим сенда деган сўздан
Ярим кўнглим тўларди. (х2)

Келсангиз-а кўнгилдаги
Умид гули куларди.
Бугун Раъно бағри э воҳ,
Аламингиз бегим-эй.(х2)

Келмадингиз, келмадингиз,
Билмадингиз бегим-эй.
Билмадингиз, билмадингиз,
Келмадингиз бегим-эй. (х2)