Феруза Жуманиёзова - Онажонимсиз

Ҳою-ҳаваслардан чарақлаб турмай,
Кўнгил кўчасидан ярақлаб юрмай, (х2)
Ўз тақдир китобин варақлаб кўрмай,
Боласин ўйлаган онажонимсиз!
Боласин ўйлаган онажонимсиз!

Ирмоғим тузатган булоқ ўзингиз,
Изимда ёшларин тўкар кўзингиз,
Жонимни асрайди дуо-сўзингиз,
Бахтимдан сўйлаган онажонимсиз!
Бахтимдан сўйлаган онажонимсиз!

Яшайсиз қисматга шукрлар қилиб,
Ширин орзу, яхши умидлар қуриб,
Қоматим кўрганда, қувониб кулиб,
Қоматим кўрганда, қувониб кулиб,
Бўйимни бўйлаган онажонимсиз!
Бўйимни бўйлаган онажонимсиз!

Сиз шундайин муаттар, шундайин танҳо,
Офтоб қалбингиздан олами зиё,
Сиз шундай беминнат, бир меҳри дарё,
Юраги куйлаган онажонимсиз!
Юраги куйлаган онажонимсиз!

Ҳою-ҳаваслардан чарақлаб турмай,
Кўнгил кўчасидан ярақлаб юрмай, (х2)
Ўз тақдир китобин варақлаб кўрмай,
Ўз тақдир китобин варақлаб кўрмай,
Боласин ўйлаган онажонимсиз!
Боласин ўйлаган онажонимсиз!

Онажонимсиз, онажонимсиз… (х2)