Манго гуруҳи - Ким айбдор

Иккимизнинг ажралишимизга,
Бахтга тескари юришимизга,
Ким айбдор?
Пайдо бўлди ўртада гумон,
Кетмоқдамиз айрилиқ томон,
Ким айбдор?
Ажралиш учун севдимми сени?
Баҳоналаринг емириб борар мени,
Сиз мени севмайсиз деган
Гапларинг қилади алам.
Ўйлаб кўр, сен билан
Ўтган умрим кетдими бекор?
Тушунмасанг мени,
Сўзларингда айт не маъно бор?
Айбни фақат мендан изламасдан
Бер ўзингга савол:
Такрор ва такрор, ким айбдор,
Айтгин ким айбдор?
Сарсон бўлди ўртада севги,
Балки эмасман унинг тенги,
Ким айбдор?
Ўйлар эдим уни ҳар нафас,
Бу кунларни қилмадим ҳавас,
Ким айбдор?
Балки билгансан мендан кетишингни,
Билмадим севгимни ўйин этишингни,
Ёлғонларингдан чарчадим,
Ўзинг биласан, кетавер.
Ўйлаб кўр, сен билан
Ўтган умрим кетдими бекор?
Тушунмасанг мени,
Сўзларингда айт не маъно бор?
Айбни фақат мендан изламасдан
Бер ўзингга савол:
Такрор ва такрор, ким айбдор,
Айтгин ким айбдор? (х2)