Шаҳбоз ва Наврўз - Совуқ

Кўча совуқ, ҳарорат даражаси паст,
Қалбда оғриқ, тинмайди ҳатто бир нафас.
Мия бўшлиқ, ҳеч бир маълумот ҳам сиғмас,
Танам музлаб, уни ҳеч иситиб бўлмас.
Совуқларда музлаб кетди-ку орзулар,
Шамолларда йўқ бўлиб кетди туйғулар.
Совуқларда қолиб кетдим фақат ўзим,
Сени иситар ўзга инсон, ишонмас кўзим.
Ўзга инсоннинг бағридан қўним топдинг наҳот?
Ўзга қўлларнинг тафтидан иссиқлик сездинг наҳот?
Мен эса бир ўзим, (алам билан)
Совуқларда қолдим, (соғинч билан)
Ёлғон севгининг ёлғонига алданиб қолдим. (х2)
Кўча совуқ, юрагим муз,
Гўёки уришдан тўхтаб, қилмоқдадир танаффус.
Қалбимда баҳор эди, ёнимда бўлган онларинг,
Ёдимдан кетмайди кулишларинг.
Қўлларингни иситар ўзга инсон, бағрига босар сени,
Тасодифан кўриб қолдим буни.
Ва шу онда англаб етдим,
Шунча вақт сохта туйғуларга алданиб келганимни.
Ахир ажралганимизга кўп бўлмаган эди,
Менинг қалбимда эса умидим бор эди.
Зўрға кутиб юрганмидинг ажралиш кунимиз,
Қаерларда қолиб кетди муҳаббатимиз?
Ўз кўзларим билан кўриб, қойил қолдим,
Менинг эса айбим сени севиб қолдим.
Энди туйғулар йўқ, сўнгги умид ҳам йўқ,
Совуқларда бир ўзим музлаб қолдим.
Ўзга инсоннинг бағридан қўним топдинг наҳот?
Ўзга қўлларнинг тафтидан иссиқлик сездинг наҳот?
Мен эса бир ўзим, (алам билан)
Совуқларда қолдим, (соғинч билан)
Ёлғон севгининг ёлғонига алданиб қолдим. (х2)