АНТИҚА ЭъЛОН!

ЭъЛОН!!! Юрагимни яхши қўлларга топшираман ! — Ассалому алайкум, кечирасиз, мен эълон бўйича қўнғироқ қилаётгандим. Юрагини яхши қўлларга бермоқчи бўлган одам сизмисиз?— Менман. — Илгари фойдаланилганми? — Ҳа. У 3 йил мобайнида бир инсонга кўнгил берган. — Ҳмм... 3 йил фойдаланиш — бу анчайин катта муддат ! Нима учун бериб юбормоқчисиз? — Аввалги соҳиби юракдан белгиланган вазифа бўйича фойдалангани йўқ. Уни тилиб, оғритган, ўйнаб, унга ўткир тиғли буюмлар санчган... Юрак оғриниб, қон йиғлар, аммо ҳар доим аввалгидек ўзининг асосий вазифасини бажарарди: уни севарди... Кунларнинг бирида юрак соҳиби уни олдию, синдириб, чилпарчин қилди... — Қандай қилиб синдиради ?! Ахир, сиз тузатишга бермадингизми? Нима дейишди сизга? — Қайта тиклашга ярамайди... — Бўлмаса нима учун эълон бердингиз? Наҳотки, сизнинг чилпарчин бўлган юрагингиз кимгадир керак, деб ўйласангиз? — Дунёда уни парчалардан йиғилиб, тиклай оладиган инсон борлигига ишонаман. Ўша инсон берган меҳри ва сарфлаган вақтига ачинмаслигига ишонаман. Яна шунга ишонаманки, у юракка иккинчи бор ҳаёт бера олади... — Мен... мен уриниб кўраман. Бу албатта, машаққатли, қийин нарса, аммо натижаси бунга арзийди. Сиз менга борор-бир кафолат бера оласизми? Агар мен уни асл ҳолатига келтиролсам, юрагингизни жонлантиролсам... у яна қанча муддат севишга қодир бўлади? — То уришдан тўхтамагунича... — Эълонда қайд этишингизча, уни бир шартга кўра берар экансиз... — Ҳа. Мен унга оғриқ етказмаслигингизга амин бўлишим керак. — Афсус, мен келажакни кўра олмайман. Сизга у бошқа азоб чекмайди, деб тўла ишонч билан айта олмайман... Айни дамда қила олишим мумкин бўлган нарса — бу унинг эвазига сизга ўз юрагимни беришим... — Мен розиман ! — Мени ҳам битимимизнинг барча шартлари қониқтиради. — Демак, айирбошлаш учун эртага учрашамиз, шундайми? — Ҳа. Кўришгунча, азизам. — Эртагача, муҳаббатим...