Улуғбек Раҳматуллаев ва Нилуфар Усмонова - Фолбин (Иймондан кечиб)

[Нилуфар Усмонова]
Она ер, сен бизни кечирасанми?
Устингдан турфа хил фитналар қилдик.
Гоҳида нафс учун, гоҳ бойлик учун,
Шайтонни мот қилар ҳийлалар қилдик. (х2)

[Улуғбек Раҳматуллаев]
Тўхтамай югурдик нафсимиз учун,
Бахтсизлар яралди бахтимиз учун.
Устимизга илиб кибр либосин,
Кўз-кўз қилмоқ учун жилвалар қилдик. {х2}

[Улуғбек Раҳматуллаев ва Нилуфар Усмонова]
Фолбинларнинг ёлғон фолига учиб,
Тап тортмай ҳаром еб ва ҳаром ичиб.

Виждондан, иймондан, инсофдан кечиб,
Сариқ чақамизни тиллалар қилдик. (х2)

[Улуғбек Раҳматуллаев]
Одам бўлиб, одам сотганларни кўр,
Ёлғон ботқоғига ботганларни кўр.

Кундан кунга яқин келса ҳамки гўр,
Ҳар кун ўйин-кулгу, яллалар қилдик. (х2)

[Нилуфар Усмонова]
Бағрингга борамиз бир кун хор бўлиб,
Ётамиз дуога муҳтож, зор бўлиб.
Йиғлайлик ёлвориб, тавбалар қилиб,
Тавбаси йўқларнинг ҳолини кўрдик. (х2)

[Улуғбек Раҳматуллаев ва Нилуфар Усмонова]
Фолбинларнинг ёлғон фолига учиб,
Тап тортмай ҳаром еб ва ҳаром ичиб.

Виждондан, иймондан, инсофдан кечиб,
Сариқ чақамизни тиллалар қилдик. (х2)