Ватанда

Дунёга сиғмасдан бир қиз йиғлайди

18-декабр, 2023 1.1К марта ўқилди

Армонни қўлтиқлар кўзларида ёш
Ўзига вафодор сирдош излайди
Кўнглида армони қўлида бардош
Дунёга сиғмасдан бир қиз йиғлайди

Хаёт кўп синади синовларида
Куздайин сарғайиб унсиз бўзлайди
Мухаббатнинг ўтли оловларида
Дунёга сиғмасдан бир қиз йиғлайди

Тақдирин сўксинми ёки ўзини
Ёнида турибон армон сўзлайди
Ёши тўхтамайди қаранг кўзини
Дунёга сиғмасдан бир қиз йиғлайди

Армонни етаклаб яшайди энди
Сарсон кўчларда бахтни излайди
Хаётда қандайин яшайди энди
Дунёга сиғмасдан бир қиз йиғлайди.

Телеграм ВҳатсАпп