Хаёт хақиқатлари

Оқариб қолмайди қарға чўмилса,
Букри тўғри бўлар ерга кўмилса,
Тўғриям егриям етти букилиб,
Қошинга келаркан омадинг келса.

Насиҳат айтаман дўстим унутма,
Қасамҳўр одамдан яҳшилик кутма
Эшакка тақа қоқ у бўлмайди от.
Йўлбарсдан юк тегса тулки бўлар шод.

Давлатинг борида қариндош чиқар
Ўзинг танимаган етти пушти ёт
Бесинов саманни сиртидан ўтма,
Қасамҳўр одамдан яҳшлик кутма.

Оч қолган кўппакнинг ликкиллар думи.
Ҳушомад қилади одамнинг шуми.
Отаси эмассан отамсиз дейди.
Шу унинг кашф этган гўзал удуми.

Зинҳорки чаённи қўйнингда тутма.
Қасамҳўр одамдан яҳшлик кутма
Кўзларда аёндир самимий сифат,
Чин дўстлар молинга бўлмайди улфат.

Содиқлик тилдамас дилда бўлади,
Тил билан дилингни бир ҳил бил ибрат
Фойдаси тегар деб иймонинг сотма,
Қасамҳўр одамдан яҳшилик кутма...!