Сен қайдан билардинг...

Сен қайдан билардинг, осмон четида
Тун захри сездирмай ўчаётганин,
Интиқ шеригини излаб тун бўйи
Бир юлдуз соғиниб учаётганин...

Сен қайдан билардинг, гуллар саройда
Адирлар хақида ўйлар сурганин,
Хув анов қоронғу кўринган жойда
Баҳт мени жимгина кутиб турганин.

Сен қайдан билардинг, юрагим куйган,
Локин мақсадига этаётганин.
Серсоқол, қоп-қора шляпа кийган
Одам менга совға элтаётганин.

Сен қайдан билардинг, бир одам бўлсанг,
Хеч еринг бўлмаса бизлардан ошиқ.
Ховлимда сайраган момиққина қуш
Менга толе хақда айтганин қўшиқ...