Кўнглим

Дунёни дард ила кўтарган кўнглим,
Азобни ранж ила кўтарган кўнглим.
Кўксимга тиг 'каби қадалган кўнглим,
Адашиб бировга аталган кўнглим...

Устида тоғларни кўтарган кўнглим,
Қоп-қора доғларни кўтарган кўнглим.
Кераксиз тошдайин отилган кўнглим,
Ёлғончи розларга сотилган кўнглим...

Дуч келдинг кимларга мени зор кўнглим,
Тор қилиб дунёни, ўзи тор кўнглим.
Оқибат, мехрни излаган кўнглим,
Мехрсиз дилларни сизлаган кўнглим...

Қўй, энди йиғлама бечора кўнглим,
Адашган сен эмас, начора кўнглим.
Излагин, топасан бир куни кўнглим-
Ўзингдек мехрли кўнгилни кўнглим...!