Бизни ажал кутиб турибди.

Қўлимизда имкон қолмас бир,
Жон - чиқгувчи вужуд титраб зир.
Қачон етиб боришимиз - сир,
Бизни ажал кутиб турибди.

Кўнгил недан тўқ-ки, хозирча,
Биз - вақтини билмай хотиржам!
Ўз ўрнидан жилмай хотиржам,
Бизни ажал кутиб турибди.

Бугун ҳандон отаяпмиз-у,
Кундан Ишқсиз ўтаяпмиз-у,
Биз омадни кутаяпмиз-у,
Бизни ажал кутиб турибди.

Шеърим оғир ботганга, рости,
Инсоф сўраш энг олий қасдим.
Охиратни ўйламас дўстим,
Бизни ажал кутиб турибди.

Инсоф қилмай "иккиюз"ликда,
Мол-дунёга бўлган хирсликда,
Кетаяпмиз яшин тезликда,
Бизни ажал кутиб турибди.