Bizni ajal kutib turibdi.

Qoʻlimizda imkon qolmas bir,
Jon - chiqguvchi vujud titrab zir.
Qachon yetib borishimiz - sir,
Bizni ajal kutib turibdi.

Koʻngil nedan toʻq-ki, xozircha,
Biz - vaqtini bilmay xotirjam!
Oʻz oʻrnidan jilmay xotirjam,
Bizni ajal kutib turibdi.

Bugun handon otayapmiz-u,
Kundan Ishqsiz oʻtayapmiz-u,
Biz omadni kutayapmiz-u,
Bizni ajal kutib turibdi.

Sheʼrim ogʻir botganga, rosti,
Insof soʻrash eng oliy qasdim.
Oxiratni oʻylamas doʻstim,
Bizni ajal kutib turibdi.

Insof qilmay "ikkiyuz"likda,
Mol-dunyoga boʻlgan xirslikda,
Ketayapmiz yashin tezlikda,
Bizni ajal kutib turibdi.