Шерали Жўраев - Кетма баҳор

Баҳор келса бошланар боғда булбул хониши,
Саъва, қумри нағмаси, суралай товланиши,
Қирларда наврўз сайли, лолаларнинг ёниши,
Тўхтамай табиатдан ҳаққушлар зорланиши.

Кетма баҳор, кетма, эй, менинг боғимдан,
Кетма баҳор, кетма, эй, менинг боғимдан.

Қилмиши қинғир зотга давр қайда, даврон қайда,
Ватангадо кимсага беминнат макон қайда?
Ёлғиз отга оламда ном қайда, нишон қайда,
Баҳор, сенсиз саҳрою тоғу тошга жон қайда?

Кетма баҳор, менинг боғимдан,
Баҳор, кетма менинг боғимдан.
Кетма баҳор, менинг боғимдан-эй,
Менинг боғимдан.

Майсадаги шудринглар кимларнинг кўз ёшлари?
Гиёҳ билан қопланмиш кўҳна қабр тошлари.
Бу ерда ётар отам ё қир-элатдошларим,
Ҳар баҳор эслар уни қавму қариндошларим.

Кетма баҳор, менинг боғимдан,
Баҳор, кетма менинг боғимдан.
Кетма баҳор, менинг боғимдан-эй,
Менинг боғимдан.

Кетма баҳор, кетма, эй, менинг боғимдан,
Менинг боғимдан, менинг боғимдан.