Абдурашид Йўлдошев - Аввалгидаймас

Нафаси баҳорим, не бўлди?
Туйғуларинг аввалгидаймас.
Хушвақт эдинг, ёрим не бўлди?
Кулгуларинг аввалгидаймас. (х2)
Истагингиз сезаман деган,
Кўнглингизни кезаман деган,
Ҳар сўзингда севаман деган
Урғуларинг аввалгидаймас.
Туйғуларинг аввалгидаймас,
Кулгуларинг аввалгидаймас,
Ҳар сўзингда севаман дегано
Урғуларинг аввалгидаймас.
Ой бизларга боқиб ўтарди,
Нур чеҳранг дилимга ботарди,
Бедор қанча тонгинг отарди,
Уйқуларинг аввалгидаймас.
Бўғзим қийнар аламли тутун,
Қани бахтдан яшнаган ҳусн?
Қайғурардинг бахтимиз учун,
Оҳ, қайғуларинг аввалгидаймас.
Туйғуларинг аввалгидаймас,
Кулгуларинг аввалгидаймас,
Ҳар сўзингда севаман деган
Урғуларинг аввалгидаймас. (х2)