Дилдора Ниёзова - Рўмолим

Дарёларнинг бўйларида бир туп чинор-а,
Бир туп чинор тагларида кўзи хумор-а.
Кўзи хумор кўзларига кўзлар тегмасин,
Кўзмунчоғим тақиб қўяй, бўлсин тумор-а.
Дарёларнинг соҳилида қолди рўмолим,
Рўмолимнинг учларида жону-жаҳоним.
Сизни севмоқ, сизга куймоқ тақдир азалдир,
Йўлларингиз чақир экан – тилди товоним.
Дарёларнинг ул юзида учар ўрдаклар,
Бир-бировин қувалашиб сузар ўрдаклар.
Бугун сизни кўрмасам девонадурман,
Қадим-қадим қўрғонидан кўчар юраклар.
Дарёларнинг соҳилида қолди рўмолим,
Рўмолимнинг учларида жону-жаҳоним.
Сизни севмоқ, сизга куймоқ тақдир азалдир,
Йўлларингиз чақир экан – тилди товоним.
Дарё дилин жимирлатган тоғларнинг қори,
Йигитни ҳам, сулувни ҳам ўлдирур ори.
Ори йўққа ошно бўлиб, ордан айрилдим,
Бунчалар ҳам душвор экан дунёнинг кори.
Дарёларнинг соҳилида қолди рўмолим,
Рўмолимнинг учларида жону-жаҳоним.
Сизни севмоқ, сизга куймоқ тақдир азалдир,
Йўлларингиз чақир экан – тилди товоним. (х2)