Юлдуз Усмонова - Сўроқ қилаверма

Сўроқ қилаверма босган қадамим,
Топтайверма ғаюр кўнгил чаманим.
Менга ҳоким фақат Оллоҳу Карим,
Сенга нима кулсамми ё йиғласам? (х2)
Кафтингга тўкилмас кўзимдаги ёш,
Мен кўнгил қулиман, оловман бебош.
Бошингга тушмайди менга ёққан тош,
Паноҳ бўлмайсанку паноҳ изласам. (х2)
Тегма мени, суйма мени,
Ўз ҳолимга қўй мени.
Тегма мени, суйма мени,
Ўз ҳолимга қўй мени. (х2)
Бу тил меникидир хоҳлаганин дер,
Гуноҳ-савобимни менга қўйиб бер.
Сенда гуноҳ йўқми, бор тавбангни қил,
Менга осилмасдан сен ўзингни бил. (х2)
Истасам кўнглимни сойга отаман,
Истасам ой бўлиб ерга ботаман.
Унутма, мен ҳам бир ожиз бандаман,
Фаришта бўлардим гуноҳ қилмасам. (х2)
Тегма мени, суйма мени,
Ўз ҳолимга қўй мени.
Тегма мени, суйма мени,
Ўз ҳолимга қўй мени. (х2+х2)