Ванилинли панна котта десерти

Байрам дастурхони учун ажойиб танлов! Таомномага ўзгартириш киритишнинг вақти келди. Тайёрланиши оддий, натижаси эса байрам дастурхонида барчани лол қолдириши турган гап. Ушбу ретсептни албатта тайёрланг!

Керакли масаллиқлар:

• 500 мл қаймоқ
• 50 грамм шакар
• 8 грамм желатин
• Ванилин таёқчаси ёки 4 грамм ванилин шакари

Тайёрлаш усули:
1. Желатинни қайнатиб, совутилган сувда, қоғозида кўрсатилган вақт бўйича уютинг.
2. Қаймоқни кастрюлкага солинг, ванилин таёқчасини икки қисмга бўлинг ва қаймоқ билан бирлаштиринг. Шакарни солинг ва оловга қўйинг.
3. Қайнаш даражасига олиб боринг ва желатинни солинг. Желатин эригунга қадар оловда бир хил масса ҳосил бўлгунга қадар аралаштиринг.
4. Сўнг, оловдан олинг ва ванилин таёқчасини олиб қўйинг. Аралаштиринг.
5. Тайёрланган аралашмани қолипларга қуйиб чиқинг. Қолиплар бўлмаган тақдирда аралашмани пиёла ёки косачаларга ҳам қуйишингиз мумкин. Десертни музлатгичга бутунлай совутишга қўйинг. Бу жараён тахминан 2 соат вақтни ўз ичига олади.
6. Белгиланган вақт ўтиб тайёр десертни эхтиёткорлик билан қолиплардан десерт учун тайёрланган идишга солинг. Бу жараён осонлашиши учун десерт тайёрланган идишни 1-2 дақиқага иссиқ сувда ушлаб туринг.

7. Тайёр десертни ҳоҳишингизга кўра қирғичдан чиқарилган ёки эритилган шоколад билан безатинг. Нозик десертни дастурхон даврасига тақдим этинг.Ёқимли иштаха!