Ноз-ноз салат

Керакли масаллиқлар:

1. Товуқ гўшти - 200 гр.
2. Бринза - 200 гр.
3. Дудланган пишлоқ - 200 гр.
4. Маринадланган қўзиқорин - 200 гр.
5. Тузланган бодринг 3-4 дона.
6. Суҳарик - 100 гр.
7. Салат барги
8. Маёнез
9. Туҳум - 1 дона.
10. Саримсоқ пиёз - 3-4 бўлакча.


Тайёрланиши:

Товуқ гўшти қўлда майдаланиб, туҳумга аралаштирилиб, ёғда қовуриб олинади. Алохида идишга суҳарик, майдаланган саримсоқпиёз, 1 ош қошиқ маёнез солиниб, (таъбга қараб кўкат қўшишингиз мумкин) аралаштирилади. Қолган масаллиқлар кубик қилиб тўғралади ва алохида идишда аралаштирилади.



Салат идиши тубига биринчи бўлиб қўлда майдаланган салат барги, устига кубик қилиб тўғралиб аралаштирилган барча масаллиқлар кетма-кет солинади.



Сўнг, суҳарик ва маёнез солиниб, устини хохишингизга қараб, қирғичдан чиқарилган пишлоқ ёки пишган туҳум сариғи билан безатишингиз мумкин.


Ёқимли иштаха!