Рамазон аслида қандай ой?

Рамазон аслида қандай ой?

Бисмиллахир Рохманир Рохийм.
Аллох таолога битмас-туганмас хамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллохга хамд бўлсинки, яна муборак Рамазон ойи ҳонадонларимизга эшик қоқиб келиш арафасида. Қалблар бир муддатга унинг шукухини хис қилиб, ширин бир энтикиш билан Рамазон тақвимини қўлга оласиз. Сахарлик, ифторлик дуоси, таровех тасбехига бир-бир назар ташлаб, қайта ёдлаган бўласиз. Ўзингизча фикр қилиб, рамазонда ўқиладиган китобларнинг таҳминий рўйҳатини тузган бўласиз. Ибодатларни кўпайтиришни, закот ва фитрни хисоблаб чиқасиз. Бу Рамазон ойини чин маънода кутган мўминнинг одатий холати. Аммо шундайлар хам борки, Рамазон деганда биринчи навбатда танаввул қилиш хақида тансиқ таомлар ёдига тушиб, тайёргарликни бозордан бошлашади. Бир ойлик очлик ибодатига эмас, бир ойлик қорин ташвишига тайёргарлик кўраётгандек бўладилар ва уйига озиқ-овқат ташишади. Бу, ўз навбатида, бозордаги асосий озиқ-овқат махсулотларининг нарҳини ошиб кетишига хам таъсир қилади. Буни хам тўғри тушиниш керак, лекин хар нарсанинг меъёрида бўлгани яҳши.

Рамазонни қандай ой экани, унинг асосий мақсади мў'табар китобларимизда баён этилган. Қуръони каримда ҳабар беришича, Рамазон бу тақводор бўлиш ойидир. Рўзадорнинг барча қиладиган амаллари мана шу сифатни қўлга киритишга қаратилган бўлиши керак экан. Жумладан, Рамазонда одамлар очликни, камбағалликни хис қилишлари учун таомланишдан ўзларини тиядилар. Бу амалнинг қанчадан қанча маънавий ва рухий фойдаси борлиги ёлғиз Аллохга аён. Муборак рамазон ойи сабабидан хам бозорларда арзончилик бўлади. Демак, бу арзончилик бўладиган ой. Бойлар фитр садақаларини, фарз закотларини берадиган, мискинлар эса ҳурсанд бўлиб, Аллохга хамд айтадиган ой. Шунингдек, савдогарлар ҳолис Аллох ризолиги учун махсулотларини бир мунча арзонроқ сотиб савоб оладиган ой. Рамазон бу ибодатларга бўрканиш, нафсни тарбия қилиш ойи. Шундай экан рўзадорга ҳос одоб-аҳлоқ билан ўзимизни зийнатласак, албатта катта ажру мукофотларга эга бўламиз. Юриш-туришимизда, эб-ичишимизда, қўйингки барча ҳатти-харакатимизда суннатларга амал қилишни ўз одатимизга айлантирсак хеч қачон кам бўлмаймиз. Рўзадорларни ҳушнуд қилиш учун тайёрланадиган лазиз, тансиқ таомларни танаввул қилишнинг хеч қандай карохияти бўлмасада, исроф қилиш гунох эканлигини хам унутмаслик керак.

Имом Буҳорий келтирган хадиси шарифда “Сени икки ҳислат – фаҳрланиш ва исрофгарчилик ҳатога бошламаса, ҳохлаганингни эб, ҳохлаганингни ичавер”, дейилган. Айтишларича, сахобалар ифторликни битта ҳурмо ёки бир қултум сув ёки бир хўплам сут билан хам оғизларини очишар экан. Биз хам сахобаларга ўҳшашга харакат қилайлик, бу айнан шундай гўзал ҳулқларга эга бўлиш ойи. Зеро, уларнинг устози – Расулуллох соллаллоху алайхи васалламнинг ўзлари.

Хаммага мохи рамазон ойи муборак!