Рўзанинг машру' қилиниши хақида қуйидагича ривоят бор

Рўзанинг машру' қилиниши хақида қуйидагича ривоят бор:
Аллох ақлни яратиб, унга: "Олдинга ўгирил", деди. У ўгирилди. Сўнг "Орқангга ўгирил", деди. Яна ўгирилди. Кейин Аллох: "Сен кимсан-у Мен кимман?" деб савол қилди. Ақл: "Сен Раббимсан, мен эса, заиф қулингдирман", деди. Шунда Аллох ақлга: "Сендан кўра азизроқ маҳлуқ яратмаганман", деди. Сўнг Аллох нафсни яратиб унга: "Олдинга ўгирил", деди, аммо у итоат этмади. Шунда Аллох: "Сен кимсан ва Мен кимман?" деди. Нафс: "Мен менман, Сен Сенсан", деб жавоб қилди. Сўнг Аллох уни юз йил жаханнам ўтида азоблади. Кейин жаханнамдан чиқариб: "Сен кимсану Мен кимман?" деди. Нафс яна олдингидай жавоб қилди. Шундан сўнг Аллох уни очлик оловида юз йил азоблади. Нафс шундан сўнггина ўзининг банда эканига иқрор бўлди ва Раббига тазарру қилди. Шу сабаб Аллох таоло нафсга рўзани фарз қилди".