Ортиқ Отажонов - Хоразмнинг лазгисига

Хоразм элининг бойлиги лазги,
Қадим хазинасин мулкидир лазги.
Лазгига рақс этар эллар басма-бас,
Кексами-ёшмиди, куй янграса бас.
Лазгидан завқ олур диллар ҳар нафас,
Қалбларга жойланган севгидир лазги.
Даврага туш, даврага туш,
Қанот ёзиб мисоли қуш. (х2)
Ўйнаганлар бўлади хуш
Хоразмнинг лазгисига.
Қуёш билан талашади,
Кўрган кўзлар қамашади,
Шўх ўйнаган ярашади,
Хоразмнинг лазгисига.
Шўх ўйнаган ярашади,
Хоразмнинг лазгисига. {х2}
Соз билан роз ўлади,
Ё инши деб ноз ўлади,
Ҳиром этсанг ёз ўлади,
Хоразмнинг лазгисига.
Соғинсанг ёр жамолини,
Кўрай десанг камолини,
Рақсга улаб висолини,
Хоразмнинг лазгисига.
Жайҳун кирар дилга кўчиб,
Тўлқин уриб тошиб, жўшиб,
Ўйнасангчи қалбинг қўшиб,
Хоразмнинг лазгисига.
Ҳазил билан сўйлашасан,
Булбул билан куйлашасан,
Олов бўлиб ўйнашасан,
Хоразмнинг лазгисига.