Нозик творогли торт

Номига муносиб нозик ва мазали торт! Тез тайёрланиши ва натижаси билан сизни ҳайратда қолдириши турган гап. Ҳар қандай дастурхондан ўзининг ёрқин ўрнини эгаллайди. Тез орада мехмон кутишни режалаштираётган бўлсангиз албатта ушбу тортни тайёрланг!

Керакли масаллиқлар:

• 500 грамм творог
• 300 грамм сметана
• 30 грамм желатин
• 1 стакан сув
• 200 грамм шакар ёки 3 ош қошиқ асал
• Таъбга кўра юмшоқ мевалар (киви, қулупнай, черника)
• Безаш учун ялпиз барглари ва мева

Тайёрлаш усули:
1. Творог ва сметанани бирлаштиринг ва бир хил масса ҳосил бўлгунга қадар кўпиртиринг.
2. Шакар ёки асални қўшинг.
3. Желатинни 5-10 дақиқа хона ҳароратида турган сувда уютинг.
4. Желатин уйигунга қадар танланган мевани ҳоҳишингиздагидек бўлакларга бўлинг.
5. Уютилган желатинни ўрта оловда, бутунлай эригунга қадар қайнаш даражасига олиб боринг. Бироқ, қайнатиб юборманг.
6. Желатинни творогли массага нозик оқимда қуйинг. Эхтиёткорлик билан аралаштиринг ва кўпиртиринг.
7. Торт учун қолипнинг таг қисмига меваларни теринг ва творогли массани қуйинг.
8. Тортни 1-2 соатга музлатгичга қўйинг. Белгиланган вақт ўтиб, тортни эхтиёткорлик билан қолипдан ажратинг ва ялпиз барглари, мевалар билан безатинг. Дастурхонга тортинг.Ёқимли иштаха!