Картошка ширинлиги

Машҳур ва барча учун севимли бўлган ширинликлардан бирини сизга тақдим этамиз. Нозик ва ёқимли ширинлик кечки овқатдан сўнг ажойиб десерт ўрнини эгаллайди. Тайёрланиш жараёни эса жуда ҳам оддий.

Керакли масаллиқлар:

• 300 грамм печеня
• 100 грамм сарёғ
• 2/3 стакан қуюлтирилган сут
• 3 ош қошиқ какао кукуни
• Ёнғоқ ёки мартипан (безаш учун)
• 1 ош қошиқ коняк

Тайёрлаш усули:
1. Печеняни гўшт майдалагич ёки блендер ёрдамида нон ушоғи ҳолигача майдаланг.

2. Алохида идишга қуюлтирилган сут, сарёғ ва какао кукунини бирлаштиринг.
3. Бирлаштирилган масаллиқларни шоколад пастаси каби масса ҳосил бўлгунга қадар аралаштиринг ва конякни қуйинг.
4. Шоколадли массага ушоқланган печеняни солинг ва аралаштиринг.
5. Массани аввалига қошиқда сўнг, эса қўлингизда яхшилаб аралаштиринг.
6. Тайёр массани 8-10 қисмга бўлинг. Ҳар бир қисмга картошка шаклини беринг. Шакар кукуни ва какао кукунини бирлаштириб, аралаштиринг. Картошкаларни шу аралашмага юмалатинг.
7. Тайёрланган картошка ширинлигини 20 дақиқа музлатгичда сақланг. Сўнг, безатинг ва дастурхонга тортинг.
Ёқимли иштаха!